貓奴回來了!
上回提到湯唯到貓奴家第一日就發生災難，貓奴都好想講係咩事，不過又想搵返當時d相俾大家睇，所以唔好意思要大家等咁耐🙏🏻
上文link：
https://www.facebook.com/catsnbaby/posts/1105390906186927
---------------------------------------------
話說湯唯終於到埗，由於第一次養貓，貓奴同老公都好緊張，湯唯都係，一開左個貓袋湯唯嚇到傻左，佢d毛彈起晒.....好快，佢就搵窿捐，而佢搵到既窿就係-----馬桶後面!!!!!!!!!
見到呢個情況，我地都手足無措，而佢又攝得好入，我地嘗試過拉佢條尾出黎，點知佢就愈來愈驚，愈縮愈入，好似出唔返黎咁🙄又試過㩒沖廁制等佢會嚇返出黎，結果當然係失敗😫
個一刻灰到好想喊，真係諗過搵師傅鑿穿個馬桶救返湯唯出黎....不過問題係，貓奴只係租樓咋，如果鑿穿個馬桶點賠呢？唉，之後就咁放左貓糧同埋水係佢附近就去訓覺。就係咁，貓奴同湯唯都係極度不安與惶恐之下度過左一晚....
最後湯唯點「救」返出黎呢？就係......
.
..
...
....
.....
......
👉🏻👉🏻👉🏻👉🏻👉🏻👉🏻👉🏻👉🏻👉🏻自己行返出黎😂😂😂😂😂😂
......
.....
....
...
..
.
由於湯唯太細膽，所以諗返起當時，湯唯用左大約1個月時間先能夠適應新環境，不過呢個唔係重點，貓奴想同大家講既係，如果遇到貓奴上面所講既情況的話.......
^^^^^^^^^^^^^千祈千祈千祈^^^^^^^^^^^^^^
^^^^^^^^^^^^^唔好唔好唔好^^^^^^^^^^^^^^
用我既方法去「救」隻貓出黎！！！
貓貓其實好聰明，佢地唔會迫自己入「窮巷」ga，所以唔好大費周章咁做呢d野，不但救唔到佢地出黎，而且會嚇親佢地，所以唔好拉佢出黎，唔好用聲嚇佢地，總之俾佢安靜下，佢自自然然就會出返黎搵野食搵野飲，當然最正確既方法就係避免貓貓可以進入d窿窿啦。
---------------------------------------------
呢個係貓奴養貓既小小心得，如果貓奴講既野有錯請指點🙏🏻💪🏻
下回再講下藍妹既可憐身世😟
p.s. 有網友問湯唯點解叫湯唯😂其實係純粹貓奴既老公姓湯，所以就想幫佢諗個姓湯既名，貓奴既朋友俾過好多建議我，不過湯唯淨係對湯唯呢個名有反應，可能佢自己都認為佢好似湯唯咁靚女啦哈哈哈😆
Search